الجمعة، 20 مارس 2009

مرشحنا .. تكفون يا الربع لا تخلونه .. !!

http://www.youtube.com/watch?v=iVbrrkJ8zIA هذا الرابط للي ما يطلع له الفيديو ..

صحيح انه مسكين , والشباب الي يحضرون عنده كلهم شماته .. :)
لكن والله كلامه واقعي .. :)
لذا , نخيتكم يا الربع , اي واحد بالدائرة الأولى , وعنده صوت يبي يحرقه , ترى ابوالعيس يستاهل ..!
بس ان شاء الله ينزل هالسنة , الحين اهو الظاهر يسوي مشاورات مع الهيئة السياسية بالحركة الي ينتمي لها :)
..
خارج إطار المزح .. :)
يشكل الحفيتي و عيسى حجي موسى , والكثيرون غيرهم ظاهرة كويتية جميلة ومتميزة , ترسم البسمة على وجوه الكثير من ابناء الوطن المقهور , حيث يمارس هؤلاء المرشحين حقهم الدستوري كاملا بالترشح واستخدام المنبر الإنتخابي لتوجيه ما يجول في صدورهم بشأن هذا الوطن المأزوم بكل حرية واريحية وكوميدية :) .
اظن ان ظاهرة عيسى حجي موسى والحفيتي تؤكد للكويتيين ان كل واحد يقدر يرشح نفسه , اذا مو عاجبك الوضع , رشح نفسك وتكلم , لا تقعد في بيتكم وتبكي حظك العاثر ..! :) بس تحمل طنازة العالم :)
من وجهة نظري ان الناخب الكويتي الذكي هو من يتعشى عند الخرافي او مرزوق , ويضحك عند الحفيتي او عيسى حجي موسى , ويصوت حق السعدون او غيره من رموز التيار الوطني – سواء اتفقنا او اختلفنا معهم فهم افضل الموجود - ..! :)

هناك 26 تعليقًا:

kuwaitawy يقول...

ههههههههههههههه


حجي موسى


قوي

غير معرف يقول...

العزيز راعي الباكه

استغفر الله ...

ماكو شغل هذول....


اسمع ..

http://www.youtube.com/watch?v=uoo-lNimpfU


:)

لاتضحك بس احبها...

وهذي بعد

http://www.youtube.com/watch?v=9EHAo6rEuas


دمت بخير وسلام

Safeed يقول...

سراج الخليج و الحفيتي هم الذين يشخصون مواضع الخطأ أقـدر من غيرهم ، خوف باقي المرشحين من اكتساب "عداوة" بعض الأطراف يجعلهم يبحثون عن المداهنة التي لا يعترف بها هؤلاء ...
الإنسان عنده القابلية لقبول أكثر الاخبار سوءا إذا سمعها و هو يضحك .. :) .. و هذا اللي يقدمونه عيسى و الحفيتي .

رحت ندوة له العام ، على انها عرض stand-up كوميدي إلا أنه تكلم افضـل 100 مرة من مرشحين اصحاب الخطب "المعلبة" المحفوظة بالأدراج .

الوجه الحقيقي للانتخابات تشوفه عندهم .. بس للأسف شعبنا للحين ما تعلم الاستفاده منهم :)

فريج سعود يقول...

كبيرهم الجويهل

bakah يقول...

كويتاوي .. حياك الله اخوي .. :)
اي والله قوي .. بس طاح باللي ما يرحم ..! :)
عيال الرميثية شماته درجة اولى ..! :)

bakah يقول...

العزيزة التي لا تحب الإنتظار .. :)
هذا نبض الشارع اختي .. :)
. .
شكرا للإهداء .. استمع واشوف :)

bakah يقول...

حياك الله عزيزي سفيد .. :)
يسمونه سراج الخليج ..؟! :) عز الله انه سراج , ومنير بعد :)
حقيقة انا ارى انهم اكثر صدقا من كل السياسيين , حتى الوطنيين منهم ..!
رحت لندوه من ندواته ؟
اكيد انت الي قاعد تصرخ بالفيديو ههههههههههههههههههههههههههه

bakah يقول...

العزيز فريج سعود ..
الجويهل مبتدىء امام الحفيتي وعيسى حجي موسى :) ..

@alhaidar يقول...

:)

سنجل بعطيه عشانك بس خل ينزل بالثانية ;p

bakah يقول...

حياك الله اخوي احمد الحيدر .. :)
تسلم يا الغالي , نخدمك بالأفراح .. :)
انا والله مالي علاقة شخصية فيه , حتى ما شفته بالطبيعة كله تصوير فيديو ..
لكن تعرف , احنا ندعم المرشحين الوطنيين :)

بو محمد يقول...

سراج الخليج
مسكين :-)
أقول لك شي، ماعون لحمة راس و ماعون لسانات من مطعمك أشرف من بوفيهات الخرافي و مرزوق عندي مليون مره، لأني لا أشك بنظافة مال المطعم بتاتا

لا و لي صار عليهمم شوية ليمون، و خبز ايراني حار توه طاله من الفرن، و ندفت اللي أكو و اللي ماكو، دور الفراش يا ولد
و الا أقول لك
روح صوت
:-)
اختيارك راح يكون أفضل الإختيارات

دمت و الأهل و الأحبة برعاية الله

حلم جميل بوطن أفضل يقول...

حبي الأول و الأخير ، مادري ليش محد مقتنع فيه

كويــتي لايــعه كبــده يقول...

مو أخس من دميثير (وطبجاته)

بين هذا والحفيتي (حول من ديّن الى ليبرالي) يطوفك صجٍ كثير

حاطب ليل يقول...

فيه واحد يكبس للحفيتي وسراج..وطبعا الجويهل
مادري شنو السعيد
او صالح السعيد
نسيت اسمه والله
اللي يقول
صوتولي عشان امي "هيا" :)
واذا نجحت راح اخذ الكرسي الاخضر واحطه بنص شارع بن جدعان"شارع بالجهرا"
مادري شنو الحكمه..بس تبيان تمرد:)

غير معرف يقول...

شفيها المدونة

نزلت بوست جديد؟؟!



MEME

Hashemy يقول...

لووووووووول والله عدل كلامك اهم ملح الانتخابات

bakah يقول...

حياك الله عزيزي بومحمد .. :)
نعم صدقت ..
لكن وايد شباب يحبون يمرون على كل بوفيه في الإنتخابات , وهذي نتيجة آرائهم , والا اخوك لا يحضر ندوات وإن حضرت ما اقعد للبوفيه , بس اسمع جذبه جذبتين بعدين اطلع معصب دايركت على الشيشه اعمرلي راسين وارجع للبيت مقهور .. :)
دمت بخير اخي العزيز ..

bakah يقول...

الحلم الجميل .. :)
طبعا انت الحين لو احد يطلبك مليون ما ترده من وناستك بالخمسه أمس .. :)
مبروك الفوز .. :)

bakah يقول...

كويتي لايعة جبده .. :)
دميثير ذيب امعط ..
هالشباب على النيه , مساكين وقلوبهم بيضه .. :)

bakah يقول...

حاطب ليل ..
حياك الله اخوي .. :)
اي هذا مسكين والله ههههههههههههههه
مرة شفت له ندوه , خبص فيها لين قال بس .. :)
شويه يبجي وشويه يصرخ ..
وبنص المحاضرة قام يسولف عن الأمراض الي صارت فيه , يقول انا صار فيني ابو وجه ..!
مع ان الموضوع كان حده ماله دخل .. :)
تشرفنا بمروركم اخوي ..

bakah يقول...

ميمي .. حياك الله .. :)
اي نزلت بوست جديد بس مسحته بسبب ان الصورة كانت حيل صغيره ومو عارف اكبرها .. :)
سوري ..

bakah يقول...

هاشمي .. حياك الله اخوي .. :)
تصدق اهم السبب الوحيد الي يخليني احب الإنتخابات ..

غير معرف يقول...

العزيز راعي الباكه

دزها على ايميلي أكبرها لك اذا تبي

دمت بخير وسلام

bakah يقول...

ميمي .. :)
ما اعرف ايميلج ..!!
دزيلي رسالة فاضية على ايميلي ..

غير معرف يقول...

ايميلي موجود بالتعريف :)

الحين ادزلك

دمت بخير وسلام

bakah يقول...

سامحيني اختي ما شفته .. :)