الثلاثاء، 22 يوليو 2008

انترودكشن .. :)

الهيلق , العقد , البدو احيانا ..

صفات لطيفة يطلقها الكويتيين عموما على الناس بناء على المظهر او اللبس او السيارة احيانا , او اللهجة ... إلى آخره ..

والغريب ان الهيلق بعيني .. هم يرون في اناس آخرين هيالقة - جمع تكسير :) - ..

توضيح :

انا رايح للأفنيوز , لابس التي شيرت التركواز , والبنطلون الأبيض - مع صبغتي الأقحوانية الناعمة - ..

تشوفني بنت تقول ويع هيلق ..! - طبعا مو بويهي مراعاة لمشاعري وهم لأنها تخاف لأن الهيلق يطقون :) - ..

وبنفس الوقت انا اشوف واحد من عيال الصليبية - دام عزهم الوارف - لابس دشداشه مصوفره من الشمس ومخصره ..!

اقول : هيلق - بدون ويع :) - ..

فهذه المدونة يا سادتي المستمعين والمشاهدين تحاول ان تسبر غور هذا المجتمع الخطير والغريب ..

وخلونا نعرف بالأخير منو الهيلق - الي انا منهم حسب تعريفات عديدة :) - ..

ولماذا وكيف ومنو يحكم ان هذا هيلقي او ولد بطنها .. :)

ودمتم برعاية الآلهة .. !

هناك 6 تعليقات:

غير معرف يقول...

كلام جميل و مجهود رائع اتمنى لك التوفيق.

مطعم باكه يقول...

حياك الله أخ جاسم ..

شكرا لمروركم .. :)

دم على تواصل ..

غير معرف يقول...

ولا تنسى أيضا تطلق
على العيم احيانا ايضا

خصوصا ل توه ياك من ايران :P

مطعم باكه يقول...

حياك الله اخ غير معرف ..

نعم .. كثيرة تعريفات الهيلق .. التي لم تترك احدا الا وشملته .. :)

غير معرف يقول...

الهيلق اهم القادمين الى الكويت حديثا
وبصراحه هم ليسو بدو الكويت ولا حضرها
بدو الكويت وحضرها ليسوا هيلق لانهم اهل تربيه واصل كويتي من مئات السنين
الهيلق هم الجديدين وغريبين بفكرهم
يعني هيلق من نسل الهيلقيه

غير معرف يقول...

الهيلق من اتوا الى الكويت سنة الهيلق ولو رجعت الى كب التاريخ لوجدت بأن اغلب العوائل الحضريه ( البيسريه) هيلق
اما اليوم فان كلمة هيلق تطلق على الشخص اللليي ما يعجبني يعني اذا شفت واحد لابس لبس مو شي ويتصرف بوقاحه اقول عنه هيلق ..
عرفت اشلون ولد عمي
تبي الصج ودي الكويت بس داخل السور
واللي خارج السور يسوون دوله ؟؟ اها نسيت بس النفط طبيعي بيصير حق اللي خارج السور تدري اشلون خلاص نبيها دوله وحده