.
.
واقفة بدلال سنينها العشرين , تكاد تلامس الأرض , وتعانق السماء , ترفل في بياضها الملكي الطاهر. تلامس الشمس الحانية جسدها المصقول , فتنقهر أشعتها منكسرة بكل خجل, وتبقى هي , معلنة أن الجمال وإن إتخذ أشكالا عديدة , إلا أنه واحد!
تركب الفتاة مع والدها في السيارة , فتقف قدماي , ويقع قلبي , وأركض ناحية سيارتي , فهم ذاهبون! . في الطريق , لم أرتدي نظارتي الشمسية , فالمنظر بديع , والألوان صريحة بشكل لا يقبل المساومة.
ساعة كاملة , من شارع لشارع , شريط المسجل تعب من التكرار , وبدأ صوت عبدالكريم يخفت , وهو يردد أجر الصوت ..! , وأنا أجر في الطريق خلف هاته العشرينية الفاتنة.
إلى أن توقف الرجل ..
ترجل من سيارته ..
ومعه الفتاة ..
دخلوا المجمع .. لكنني لم أقو على الدخول .. بقيت خارجا ..
ساعة أخرى مضت ..
ثم أتى .. وكنت أنا في عالم الأحلام ..
وجدني واقفا بجنب سيارته ..
فسألني : خير يا ولدي ..؟
قلت : عمي .. أنااا ..
أنااا .. !!
أحم .. بلعت ريجي ..
سميت بالرحمن ...
عمي .. السيارة للبيع ..؟ :)
كابرس 89 .. سيارة الأحلام .. :)
..
سفيد طلعني مش أد كلمتي .. :)
وخلاني أصير مثل جمال عبدالناصر .. :)
كنت بفتح مدونة جديدة .. لكن والله مالي خلق بصراحة :)
مرحلة بلا طعم
قبل 10 أشهر
هناك 39 تعليقًا:
أحلى من أجدعها ست
;)
الحمدلله على السلامـــة
و عساك ما تثنّي هالغيبة
عاد عسى صار نصيب مع العشرينية؟
Didn't expect that
Now that was funny, and I take the bus!
LoL
أقرا واقول:
مسكين يا ناس من قالو حبيبه عروس
واخر شي جذي طلعت السالفه
:Pp~
نورت نورت
عوده حميده لبلوقك العامر
استانست لما شفت اسم المدونة مرتفع مرة ثانية :)
ولكم بااااااكـ
بالنسبة للعشرينيه!
:)
هذا كل اللي اقدر اعلق عليه !
اقضب مجنونك لا يجيك اللي اجن منه
شنو لونها؟
:p
عندنا رمادية
وايام المدرسة كان عندنا بوكس شفر ازرق سماوي... اظنتي السايق ما يشوف بالرير ميرور من كثر الستكرزات
يا ليتنا ما بعناهم... صج شكلهم انتيك
عودا حميدا حجي
:)
إنت واحد ما تستحي
و آسف على إبتعادي و عدم مشاركتي للزميل سفيد فيما كتبه
لا تعودها و من غير دلع
كم أكره أن أمدح أحدهم !
أول شي
الله يعطي أبا البيض و يعطيك العافية
و لأ منت مثل جمال عبد الناصر، انت مثل مايكي جوردنن اعتزل شوي و رد و في الوضعين كان نجمان أما عبدالناصر فجمبازي عود
و أما العشرينية فأقول عنها و الآه تخرج من صميم قلبي
85
86
90
خواتها ثلاث و الله يا مطعمنا مروا علي
مواتر و لا غيرهم و الله
و أبشرك، كلهم 350 مو 305
بس حسافه ولا وحده فيهم لي، كلهم كانوا ملوت الأهل، كنت ميت على بوجهام 90 أسود بس الجلب صديم عفس الدنيا و تالي سافرت بال 92 و لا صار نصيب
بذمتك، لي قضبت الخط و راد الكشن شوي، و منسم على القتحه بالشتا، و زقارتك بيدك، و متسند على المسند اللي بين الكشنين، الموتر يسبح سباحه على الخط و لا تحس فيه، بالذمه، ما تحس إنك على ظهر فرس؟
أصلا لي دقيت الموتر سلف تسمعه يصهل مثل الحصان
أقول لك عاد، إن حصلت وحده أهلها محافظين عليها توكل على الله و أنا الضامن
:-)
دمت و الأهل و الأحبة برعاية الله
خير فعل سفيد
بإنتظار الجديد
كابرس 89
ومطعم باكه
بفريج الهيلق
.. جذي يكتمل المشهد بأبهى صوره :)
.
.
عودًا حميدًا ..
بعدين اشفيه علي عبد الله صالح محد يضرب فيه المثل؟
ترى هم قرر "يعتزل"الرئاسة ورجع بضغط شعبي ... " رهيــب" :)
ال90 أحسن مع حزام الأمان اللي يبين من الدريشه واذا أل أس شب الليت اللي بالهادرتوت بين الدريشتين
أنا كان عندي 79 (تسعاوي) أدعم والهاردتوب حليبي :)
تعلمت النيكانيكا منه
أستخدمته وانيت بشكل ما تتحمله الوانيتات الحين
استخدمته 7 سليندر بعد ما اخترب الثامن وقلت أجفت لي قامت المكينه... نطرت سنتين وبعدين بعتها بدون لا أجفت :)
تسعدني رجعتك
خبرني اذا فيه شيء
أطب وياك
ذكرتني بنكته بس ما تنقال
:)
ترى خابينا جمال عبدالناصر
وانور السادات
لا وسفيد يقول علي عبدالله صالح
يا بشــــــر
وينكم عن الجنرال الاسطوره
معمر القدافي
أوريكم صورتي معاه بمتحف الشمع؟؟
شوي ويطلعوني السيكيوريتي من اللي سويته فيه ههههههه
عالعموم
مادري انا ويني عن الاعتزال
جان هددت بالايميل حالي حال الغالي سفيد
مدونتك من المحظورات عن التوقف
وبوستك روعه
بس أمانه لا تسوي جذي ان تزوجتوا
http://image.carcraft.com/f/LeadSledCaprice/10037559+w450+h338+cr0+re1+ar1/1989-chevrolet-caprice-before-the-new-engine-and-new-r.jpg
:")
ديما .. حياك الله :)
الله يسلمكم اختي ..
لا ما صار نصيب .. للأسف :(
غير معرف .. حياك الله :)
هذا نوع من القصص ليس رائجا بشكل كبير .. لكنه ممتع من وجهة نظري :)
استكانه .. حياك الله :)
شفتي شلون .. عموما للناس فيما يعشقون مذاهب :)
ناس تحب الفتيات بالعشرين .. وناس تحب السيارات بالعشرين :)
ريانة العود .. حياك الله :)
اشكر لطفكم اختي ..
حتى انا اشتقت للمدونات كلها :)
مطقوق .. حياك الله :)
صدقت :)
جاندل .. حياك الله :)
ابوي كان عنده وحده بنيه ..
ما حبيت البوكس كلش .. احس شكله غبي ..
شكل الصالون حيل حلو ..
اما الآن .. فأستطيع ان اقول بكل اريحية ان الكابرس الجديد طايح حظه وما يعبر سنتين !!
شدعوه عودا حميدا .. ما لحقت اطلع من المدونة الا رجعت :)
حلم جميل .. حياك الله :)
يا اخي والله عندي احساس انك بالواقع هادي حيل وما تعصب .. بس بالتعليقات كله تزف ههههههههههه ..
يمعود ماكو دلع .. بس كنت بسوي مدونة جديدة ..
قلت يمكن اتزوج واييب عيال .. مو حلوه يشوفون تاريخ ابوهم بهالصورة ههههههههههه ..
بومحمد . . حياك الله :)
بيني وبينك .. انا بداية التسعينات كنت بجا (ياهل بالكويتي :) ) , وكانت كل طموحاتي قاري اسود .. :)
بس الحين ..بعد ما اشتريت الكابرس اللي عندي .. موديل 2006 , لعنت اليوم اللي شريته فيه ..
تصدق لو احصل كابرس موديل 86 .. افضل بمليون مره من موديل 2006 ..
ما ادري شفيه الأمريكي مو مترقع نهائيا ..!
سالفة يصهل صهيل الحصان هذا لغز اكتبه لك على يوم :)
ورق مخطط .. حياك الله :)
شكرا لمروركم .. :)
سفيد .. حياك الله .. :)
علي عبدالله صالح ما يستحي .. :)
والله انا صدقت انه يبي يعتزل .. :)
لا انا حبيبي جمال عبدالناصر .. :)
حتى رؤساء عرب دزوا له برقيات يترجونه انه يبقى على رأس مسؤولياته , شلون انت سويت بوست كامل واجبرتني ان ابقى على رأس مسؤولياتي , مثلك جذي .. هههههه
قول رحت مكة استخرت
:P
عودا مجيدا حميدا
وزين يسوي قيك سفيد
:)
ماتجوش الا بالعين الحمرا
:)
...
يدتى كان عندها كابرس بيضا كشنات مخمل حمر:)
انباقت بالغزو
لين توفت الله يرحمها وهى تقول آه يا موتري..يلالي أملالات..:)
كويتي لايعه كبده .. حياك الله :)
بشكل عام القصه القديمه حيل حلوة وجميع موديلاتها قويه ..
اي اهو يكد كد الحمار - تكرم - .. مو كابرس الحين .. اول سنه وتبدأ خرابات الكهربا والحراره ..
تسلم يا الغالي .. :)
فريج سعود .. حياك الله :)
انزين ليش تعلقنا دامك ما تبي تقول .. :)
يا اخي اكتبها وقول لا تنشرها :)
مو زين اكسر فيك وانشرها هههههه
الجبهة الشعبية .. حياك الله :)
بصراحة ما فهمت من الفيديو انت تأيد منو ..؟ :)
زووز .. حياك الله .. :)
معمر القذافي انا ما ارضى عليه ..
صج خبل .. بس هم مونس شويه من شعبه :)
ومونس نص شعوب العالم بالنكت اللي يسويها .. :)
اما بالنسبة للإعتزال .. فلم يكن اعتزالا .. بقدر ما هو هروب مؤقت ..
لكن سفيد عاجبه اسم المدونة ومو راضي نغيره .. شنسوي له هالولد .. يمون :)
المقوع الشرقي .. حياك الله اختي .. :)
اهو خلانا نرقع .. لا ويقول مهلة 72 ساعة الحبيب .. :)
..
الله يرحمها برحمته ..
بيضا وكشنات حمر مخمل . . :)
نفس السياره اللي انكتبت عنها القصه ..
بس الفرق ان اللي راكبها ما كان عراقي .. :)
تهقين اللي بايقها كويتي ..؟ ههههه
مسكين يمكن عاجبته السيارة ولما صار الغزو لقاها فرصة :)
looool
الكشن الورانى على اليمين وين ما تقعد الله يرحمها
ما شفت..بقعة ميرندا برتقال
:))
لا والله ما شفت .. :)
لكن لج علي لا شفته مرة ثانية أبي أصفطه على اليمين وأجيك .. :)
بس المشكلة ما اظن بقعه تظل كل هالوقت .. :)
يارب يجمعكم علي خير ;)
انا سمعت الرياييل يحبون سياييرهم بس مو بهالشكل
ترا انت وايد دلوع تدري
;p
سوييت ريفنج .. حياك الله :)
صدقيني الريال يحب شي واحد أكثر من سيارته ..
وهي السيارة الأحلى من سيارته واللي ما قدر يشتريها .. :)
اما غير هالحكي ما بيوكل خبز .. :)
أقرأي تاريخ الشعر العربي كله ..
المعلقات كلها تقريبا تبدأ بمديح المطية - تكرمين - سواء النوق او الخيل .. :)
واي مي .. حياك الله :)
شنسوي . . طفولة متأخرة الظاهر ! :)
محد قالك تدزلي ايميل قبل :p
أنا ايميلي مثل ارشيف وزارة الشؤون، ماكو شي يدخل فيه وينمسح ... بس يضيع :)
سفيد .. حياك الله .. :)
شنسوي .. :)
هم زين مو دازلك ايميلي اللي بهوت ميل .. :)
هذاك صج تقدر تهددني فيه :)
اما هذا مال قوقل احذفه مو هامني :)
سفيد زين يسوي فيك
:)
وبعدين من حلات الكابرس 89... ذكرني شنو الكابرس؟ لنج ولا سيارة؟
صلاح .. حياك الله :)
لا يبا سيارة .. :)
ههههههههههههه ذكرتني بواحد من جيرانا الله يذكره بالخير , عنده بويك السيارة الطويلة . . :)
ربعنا كانوا يسمون سيارته سفينة نوح ههههههههههههه ..
من كثر ماهي كبيرة :) ..
عاد الحين تقول الشفر لنج ؟ لا يبا البويك هي اللنج .. الشفر هذي مركوب الأجاويد :)
إرسال تعليق